MWLD V1 F1

Manchu Studies at Harvard

Volume 1, Fascicle 1

Page 1

01 tongki fuka sindaha hergen i dangse;

02 cooha be waki seme tumen cooha be unggifi tosoho, tere

03 tosoho cooha be acaha manggi, hūrhan hiya ini gajire sunja tanggū

04 boigon be, alin i ninggude jase jafafi, emu tanggū cooha be tucibufi

05 boigon tuwakiyabuha, cooha gaifi genehe ilan beile de, ula i cooha

06 heturehebi seme amasi niyalma takūraha, tere 1/2 dobori, ula i

07 tumen ujihe, muse tuttu ujifi ula i gurun de unggifi

08 ejen obuha niyalma kai, ere bujantai musei gala ci tucike niyalma

09 kai, jalan goidahakūbi, beye halahakūbi, ere cooha be geren seme ume

10 gūnire, muse de abkai gosime buhe amba horon bi, jai ama han i

11 gelecuke amba gebu bi, ere cooha be muse 2/3 absi akū gidambi

12 seme henduhe manggi, geren coohai niyalma gemu urgunjeme afaki

13 saciki seme jabufi, tere bira be dooha, doofi, sure kundulen han i

14 juwe jui, sunjata tanggū cooha be gaifi, alin i wesihun juwe jurgan

15 i afame genehe, deo beile sunja tanggū cooha be gaifi, alin i dade

Page 2

01 ilihai tutaha, tuttu yasa neihekū niyahan i gese juwe buya 3/4

02 juse, sunjata tanggū cooha be gaifi, alin i wesihun afame genefi,

03 tere dain be gidafi sacime gamara de, deo beile, siden de emu amba

04 alin be sindafi, adame genefi dain i niyalma be ambula bahafi wahakū,

05 dain de bahafi wara beyebe ujifi, ula gurun de unggifi ejen obuha,

06 wara beyebe ujihe dele, emu ama de banjiha juwe fujin sargan

07 buhe, bujantai gūwaliyafi, cooha 4/5 heturefi, boigon ganaha emu

08 amha, juwe efu be waki seme tosoho, bujantai tumen cooha be abka

09 wakalaha, ujihe buhe dele, sure kundulen han i mujilen i tondo be

10 abka na saišafi, tere tosoho bujantai tumen cooha be, sure kundulen

11 han i dehi uyun se de, honin aniya ilan biyai orin de, juwe juse

12 emu minggan cooha be 5/6 gaifi gidafi, coohai ejen bokdo beilei ama

13 jui be gemu waha, cangju beilei ama jui be, deo hūribu beile ilan

14 nofi be gemu weihun jafaha, ilan minggan niyalma waha, sunja

15 minggan morin baha, ilan minggan uksin gaiha, tere cooha gidaha

Page 3

01 inenggi, genggiyen galaka bihe, tere dobori iliha andande nimanggi

02 nimarafi, abka beikuwerefi, tere cooha de feye baha niyalma burulara

03 de, nei tucifi uksin 6/7 suhe niyalma geceme ambula bucehe, abka

04 daha serengge tere inu, abkai genggiyen siren, coohai amba tu de

05 sucufi, genehe tusa, ula i bujantai wambi seme tosoho tumen cooha

06 be gidaha, tuttu tere dain be gidafi jihe manggi, sure kundulen han,

07 deo beile de darhan baturu seme gebu buhe, han, ini ahūngga jui

08 be, amba dain de ujulafi juleri 7/8 dosika seme, argatu tumen seme

09 gebu buhe, jacin jui daišan beile de, tere coohai ejen bokdo beile be,

10 morin i dele jafafi sacime waha, dain de dosire de gucu amcaci

11 ambuhakū, ahūn i gese adafi dosika seme, guyeng baturu seme

12 gebu buhe, sure kundulen han, cooha unggire de, mini juwe jui dain

13 de morin yalufi afaci, beyebe tuwakiyame yabu, morin ci ebufi

14 afaci, morin be jafa seme akdun arafi afabufi unggihe, cangšu

15 gebungge 8/9 amban, nacibu gebungge hiya, afabuha beile be

Page 4

01 dahahakū, tanggū cooha be gaifi, eshen beilei emgi ilifi, dain, alin i

02 dele iliha bade afame genere de afahakū, gidaha cooha de dain i

03 niyalma be ambula bahafi wahakū seme, tere juwe amban i beyebe

04 wara weile araha bihe, darhan baturu beile hendume, ere juwe

05 amban be waci, mini beye inu bucehe ton kai seme baiha 9/10 manggi,

06 beyebe wara be nakafi, cangšu gebungge amban de, tanggū yan i

07 weile araha, nacibu gebungge amban de, kadala seme buhe jušen be

08 gemu gaiha, tere ula i cooha be gidaha manggi, warka i hesihe,

09 fenehe goloi niyalma kemuni ula i bujantai be dahafi bihe, sure

10 kundulen han hendume, muse emu gurun kai, ba i goro de, ula

11 gurun de dalibufi, suwe ula de dahafi banjiha dere, 10/11 musei emu

12 gurun i han, tucifi ula i cooha be gidaha kai, te musei emu gurun i

13 han de daha seci, daharakū ofi, ineku tere aniya sunja biyade, ini

14 fiyanggū deo joriktu beile, eidu baturu, fiongdon jargūci, hūrhan
hiya

15 de, minggan cooha be afabufi unggifi, hesihe, omoho suru, fenehe

Page 5

01 tokso, tere golo be sucufi wacihiyame gaifi, juwe minggan olji

02 gajiha; 11/12

03 bolori uyun biyai ice ninggun de, usihai siren tucifi, nadan

04 jakūn dobori šun dekdere ergide, hoifa gašan i teisu sabufi jai nakaha,

05 terei amala šun tuhere ergide, jai emu usiha de siren tucifi emu

06 biya funceme bihe, hoifa i baindari beile, yehe i bujai, narimbulu

07 de dafi, juwe jergi cooha jihe bihe, jai baindari, ini 12/13 nadan

08 eshen be baindari i waha, waha manggi, ini ahūn deo i niyalma, yehe

09 i narimbulu de ubašame genehe, jai ini gašan i niyalma geli ubašambi

10 seme gisurere de, baindari, ini gašan i nadan amban i juse be damtun

11 benjifi cooha baiha, sure kundulen han, minggan cooha be dame

12 unggihe manggi, ubašara hoifa gašan i niyalma, dame genehe cooha

13 de gidabufi, 13/14 yehe de ubašame genehekū tohoroko manggi, yehe

14 i narimbulu, geli baindari be šusihiyeme, sini damtun benehe juse be

15 amasi gaisu, minde ubašame jihe sini ahūta deote be gemu sinde

Page 6

01 bederebure seme henduhe, tere gisun be gaifi baindari hendume, bi

02 suweni juwe gurun i siden de banjire seme hendume, damtun benjihe

03 juse be gemu amasi gamaha, gamafi baindari siden de banjimbi seme

04 henduhe niyalma ubašafi, 14/15 baindari ini jui be yehe i narimbulu

05 de damtun unggihe, narimbulu, hoifa i baindari ci ubašame genehe

06 niyalma be amasi bumbi sehengge, buhekū oho manggi, baindari

07 hendume, yehe i narimbulu, mimbe holtoho gisun de bi dosika

08 bihe, sure kundulen han sinde enteheme akdafi banjiki, sini cangšu

09 de buhe jui be hūwakiyafi, minde gaji seme gisurehe manggi, sure

10 kundulen han sadulaha jui be, hoifa i baindari de bumbi 15/16 seme

11 sadun ci hūwakiyaha, baindari geli gūwaliyafi gaimbi seme gisurehe

12 sargan be gaihakū oho manggi, sure kundulen han hendume, baindari

13 si yehe i etenggi fonde narimbulu de dafi, minde juwe jergi cooha

14 jihe, si mini jui be gaimbi seme gisurefi, geli ainu uttu gūwaliyaka

15 seme henduhe manggi, baindari hendume, mini yehe de bisire jui be

Page 7

01 baha manggi, sini jui be gaifi, sini ici ojoro seme gisureme, ilarsu

02 16/17 hoton be araha, yehe de bihe ini jui jihe manggi, sure kundulen

03 han hendume, sini yehe de bihe jui be baha kai, te ainambi seme

04 henduhe manggi, baindari beile ilarsu hoton be arame jabduha seme,

05 gaimbi seme gisurehe sargan be gaihakū gūwaliyaka, tuttu
gūwaliyaka

06 manggi, sure kundulen han jili banjifi, cooha genere de, seheri hada

07 gebungge bade emu inenggi emu dobori abka abkafi galaka, tereci

08 17/18 genefi, tere honin aniya uyun biyai juwan duin de, hoifa i hoton

09 be kafi afame gaiha, hoton i ejen baindari beile i ama jui be bahafi

10 waha, tere hūrki hada de, hoifa i niyalma ududu jalan halame

11 banjiha gurun be efulefi gajiha;

12 suwayan bonio aniya, 18/19 sure kundulen han i susai se de,

13 ilan biyade, argatu tumen, amin taiji de sunja minggan cooha be

14 adabufi unggifi, ula i ihan alin i hoton be kafi afame gaiha, minggan

15 niyalma be waha, ilan tanggū uksin baha, ula i bujantai de korcin

Page 8

01 i monggo i unggadai beile dafi, bujantai cooha gašan ci tucifi, orin ba

02 i dubede ilifi, afaci ojoro cooha waka seme gisurefi amasi

03 bederehe, argatu 19/20 tumen tere hoton de juwe dobori dedufi jihe;

04 sure kundulen han, nikan i wan lii han i nenehe ehe be

05 gūnihakū, geli sain banjire be buyeme, ehe be gūnici, emu inenggi

06 andande, sain doro be ududu jalan de baici baharakū sere seme,

07 tubabe gūnifi, han i jase be nikan, jušen yaya hūlhame dabaci,

08 dabaha niyalma be, saha 20/21 niyalma waki, safi warakūci, wahakū

09 niyalma de sui isikini seme gisurehe gisun be, nikan aifuci, nikan

10 han i guwangning ni du tang, dzung bing guwan, liyoodung ni dooli,

11 fujiyang, keyen i dooli, ts’anjiyang, ere ninggun amba yamun i hafan

12 ehe sui isikini seme gisurefi, wehei bithe be jasei jakade ba bade

13 ilibume, bonio aniya ninggun biyai orin i inenggi, šanggiyan morin

14 wafi, senggi be emu moro, yali be 21/22 emu moro, boihon emu moro,

15 arki emu moro, giranggi šofi sindafi, liyoodung ni u fujiyang, fusi i

Page 9

01 wang beiguwan jifi, han i jase be yaya dabarakū seme gashūha,

02 tuttu ihan alin i hoton be gaiha manggi, ula i bujantai beile golofi,

03 tereci elcin yabufi, ineku tere bonio aniya uyun biyade, yehe i

04 narimbulu i susai niyalma be jafafi, sure kundulen han i elcin de

05 bume, ula i bujantai dahame acaha, 22/23 acafi bujantai hendume,

06 ama han de duin sunja jergi gashūha gisun be gūwaliyafi, ehe ofi bi

07 umai dere akū kai, ama han i beye de banjiha emu jui be buci, bi

08 ama han de enteheme akdafi banjiki aina seme gisurehe manggi, sure

09 kundulen han i beyede banjiha muksi gege be geli bujantai de

10 buhe; 23/24

11 julge aisin han i fonde samsiha warka gurun, solho de dosifi,

12 solho i jase i jakarame tehe warka be, sure kundulen han baicame

13 gemu gaji seme, amba nikan gurun i wan lii han de bithe wesimbume

14 habšaha manggi, wan lii han, solho i han de hendume baicabufi, julgei

15 jalan de samsiha ududu jalan i waliyabuha warka gurun be, solho

Page 10

01 24/25 han baicafi, sure kundulen han i susai emu se de, sohon coko

02 aniya juwe biyade, warka gurun i minggan boigon be tucibufi elgeme

03 unggihe;

04 sure kundulen han i deo šurgaci beile be, emu ama, emu eme

05 de banjiha damu deo seme, ai jaka be, gurun 25/26 sain gucu, ejehe,

06 aha be gese salibuha, tuttu gurun gucu eiten jaka be gemu gese

07 bufi banjire de, deo beile dain de genefi, emgeri enculeme sain sabume

08 yabuhakū, amba gurun i banjire doro de, emgeri sain gisun be

09 gisureme ergembuhekū, umai de erdemu akū bihe, erdemu akū

10 bicibe, fulu akū damu deo ofi, ai jaka be gese bume ujihe, uttu bume

11 ujire be, deo beile elerakū, 26/27 ahūn be biya giyalarakū, aniya

12 inderakū gasabuha manggi, ahūn sure kundulen han hendume, deo

13 sini banjire doro, gurun gucu be, musei ama i salibuha gurun gucu

14 waka kai, ahūn mini buhe gurun gucu kai seme, ehe waka be

15 wakalame henduhe manggi, deo beile anggai dubede, dule ere banjire

Page 11

01 ai tangsu, bucecina seme hendumbihe, uttu gurun, gucu be gese

02 salibuha 27/28 ahūn be waliyafi, gurun be gamame, encu gašan de

03 teme, encu golo de genembi sehe manggi, sure kundulen han jili

04 banjifi, ineku tere coko aniya, sure kundulen han i susai emu se de,

05 deo beile i dehi ninggun se de, ilan biyai juwan ilan i inenggi, deo

06 beile de buhe gurun gucu, ai ai jaka be gemu gaifi, emhun beye

07 ilibuha, deo beile be ainu tafulahakū 28/29 huwekiyebuhe seme,

08 uksun i asibu gebungge jui be waha, jai ulkun monggo gebungge

09 amban be, moo de lakiyame hūwaitafi, fejile orho sahafi, tuwa

10 sindame waha, tuttu deo beile be girubufi, emhun beye ilibuha

11 manggi, deo beile ini beyebe wakalame, ahūn han i ujihe ambula de

12 dabafi encu teneki sehe, bi waka mujangga seme gaihari bederehe

13 manggi, 29/30 sure kundulen han, gaiha gurun gucu be, ineku tere

14 aniya geli gemu amasi deo beile de dasame buhe, abkai kesi de

15 jirgame banjire be hihalarakū, ahūn sure kundulen han i ujire be

Page 12

01 elerakū ofi, dehi jakūn se de, šahūn ulgiyan aniya jakūn biyai juwan

02 uyun i inenggi, deo beile i beye akū oho; 30/31

03 neneme sohon coko aniya uyun biyade, sure kundulen han i

04 harangga ningguta gebungge hoton de, hūrha golo i minggan cooha

05 jihe seme donjifi, sacikū de tehe sure kundulen han i emu tanggū

06 cooha genefi, hūrha i minggan cooha be gidafi, juwan juwe amban be

07 weihun jafaha, emu tanggū niyalma be waha, duin tanggū morin

08 baha, emu tanggū uksin gaiha, terei amala huye goloi niyalma, 31/32

09 sure kundulen han be dahaha gurun i ukanju be singgebume gaiha

10 manggi, sure kundulen han hendume, huye goloi niyalma, si

11 daharakūci bicina, mimbe dahaha gurun i ukanju be, si ainu gaimbi

12 seme, ineku tere coko aniya jorgon biyade, hūrhan hiya gebungge

13 amban de, minggan cooha be adabufi unggifi, huye i golo be sucufi,

14 tere golo be gemu 32/33 gaiha, juwe minggan olji baha, tubade

15 aniya arafi juwe biyade isinjiha, tere golo be dahabuha seme, sure

Page 13

01 kundulen han, hūrhan hiya de, eture uksin, yalure morin bume,

02 darhan hiya seme gebu buhe, tereci sure kundulen han be dahaha

03 suifun goloi amban tulen gebungge niyalma be, yaran goloi niyalma

04 gamaha manggi, šanggiyan indahūn aniya, 33/34 sure kundulen han

05 i susai juwe se de, omšon biyade, minggan cooha de, eidu baturu

06 gebungge amban be ejen arafi unggifi, namdulu golo, suifun golo,

07 ningguta golo, nimaca golo, ere duin goloi niyalma be, gemu boigon

08 arafi gajime jurafi, boigon be juleri unggihe, coohai niyalma amasi

09 genefi, yaran golo be jorgon biyade sucufi gemu gaiha, tumen olji

10 bahafi gajiha;

Page 14

01




 


Follow

Get every new post delivered to your Inbox

Join other followers: