MWLD V1 F2
01 tongki fuka sindaha hergen i dangse;
02 šahūn ulgiyan aniya, sure kundulen han i susai ilan se de, juwe
03 biyade, sure kundulen han, ini gurun i sargan akū niyalma be, golo
04 golo i gašan gašan de gemu baica seme baicabufi, ududu minggan
05 niyalma de sargan buci hehe isirakū ofi, ku i ulin tucibufi sargan
06 udame 1/2 gaisu seme, emu niyalma de orita mocin, gūsita mocin
08 sure kundulen han de dahaha ningguta goloi sengge, nikari
09 gebungge juwe amban de, sure kundulen han dehi uksin buhe bihe,
10 sengge, nikari tere dehi uksin be suifun de sindaha bihe, 2/3 urgucen
11 muren goloi niyalma suifun golo be sucufi, tere dehi uksin be gamaha
12 manggi, sure kundulen han hendume, mini dehi uksin be dehi morin
13 de acifi benju seme, hūrha goloi bojiri gebungge niyalma be takūrame
14 henduci, urgucen muren goloi niyalma sucufi gamaha dehi uksin be
15 benjihekū, ini golo inu daharakū oho manggi, 3/4 sure kundulen han
01 i ineku susai ilan se de, nadan biyade, han i jui abatai taiji, fiongdon
02 jargūci, šongkoro baturu be minggan cooha de ejen arafi unggifi,
03 urgucen muren golo be sucufi gemu gaiha, minggan olji baha;
04 hūrha gurun i jakūta i niyalma, sure kundulen han de dahaha
05 manggi, gūsin uksin buhe, tere buhe 4/5 uksin be gamafi, sahaliyan
06 gurun de bufi moo de nerebufi gabtabuha, jai ula i bujantai, imbe
07 daha seme benehe boso be alime gaiha manggi, ineku tere ulgiyan
08 aniya jorgon biyade, han i hojihon hohori efu, eidu baturu, darhan
09 hiya, ere ilan amban de juwe minggan cooha be afabufi unggifi, hūrha
10 golo be sucufi, jakūta i hoton be ilan 5/6 inenggi kafi, daha seci
11 daharakū ofi, afafi jakūta i hoton be gaiha, minggan niyalma be waha,
12 juwe minggan olji baha, terei šurdeme hūrha golo be dahabufi,
tulešen,
13 erešen gebungge juwe amban be, jai sunja tanggū boigon be dalime
15 sahaliyan singgeri aniya, 6/7 sure kundulen han i susai duin se
01 de, duin biyade, monggo gurun i minggan beile i jui be sure kundulen
03 dain de bahafi jafafi wara beyebe ujihe bujantai, ilan jui be
04 buhe ilan jergi hojihon bujantai, nadan jergi gashūha bujantai
05 gūwaliyafi, ujihe 7/8 ama sure kundulen han i harangga hūrha gurun
06 be juwe jergi sucufi gamaha, jai ujihe ama sure kundulen han i
07 yabufi ulha jafan buhe yehe i bujai beile i jui be, bujantai durime
08 gaimbi seme gisurehe, jai sure kundulen han i buhe sargan jui onje
09 gege be, bujantai yordoho seme donjiha manggi, tede korsofi ineku
10 tere 8/9 singgeri aniya uyun biyai orin juwe de, han i hecen ci
11 cooha juraka, orin uyun de, ula gurun de ilan tumen cooha isinafi,
12 ula birai wargi dalin be generede, ula i bujantai beilei cooha, ula birai
13 dergi ini ergi cikin de okdome jifi iliha, tereci sure kundulen han
14 suwayan sara tukiyefi, laba bileri fulgiyeme 9/10 tungken can tūme
15 duleme genefi, ula birai ebergi cikin de ebufi tehe, coohai niyalma
01 genefi, ula birai ebergi dalin i ninggun hoton be sucufi gemu gaifi,
02 ula i amba hecen i wargi dukai teisu juwe ba i dubede, birai cikin i
03 ginjeo gebungge hoton de ing hadafi iliha, juwan biyai ice inenggi,
04 sure kundulen han, tu weceme tucifi tehe bihe, ula i 10/11 amba
05 hecen i amargi ba, šun dekdere ergici šun tuhere baru, abkai
06 šanggiyan lamun siren lasha gocika bihe, ilan dedume jeku be
07 manabume gemu tuwa sindame, ing hadafi bisire de, ula i bujantai
08 beilei cooha, inenggi oci, hecen ci tucifi birai cikin de ilimbi, dobori
09 oci, hecen de dosifi dedume bihe, ula i bira be 11/12 sure kundulen
10 han i juwe jui manggūltai taiji, duici beile bira be doofi afaki seci,
11 sure kundulen han hendume, suwe muke be oilori waidara gese ume
12 gisurere, fere be heceme gisurecina, amba muwa moo be uthai
13 bukdame bilaci bijambio, suhe i sacime, huwesi giyame ajabufi
14 bilaci bijambidere, teherere amba gurun be emu mudan de wacihiyaki
15 seci wajimbio, tulergi gurun be 12/18^ gemu hirhame gaiki, amba
01 gašan i teile bikini, aha wajici, ejen adarame banjimbi, jušen wajici,
02 beile adarame banjimbi seme hendume ohakū, tere ninggun gašan
03 i hoton be boo be gemu efulefi tuwa sindaha, duici inenggi cooha
04 aššafi, ula birai ebergi cikin be amasi bedereme jidere de, fulha i
05 dogon de genefi, sure kundulen han i cooha ebergi dalin de iliha
06 manggi, ula i 13/14 bujantai han, ini ubahai baturu be weihu de
07 ilibufi, ula birai mukei dulimba de unggifi hūlame hendume, ama han
08 i amba beye jili banjifi korsofi jihebi dere, ama han i banjiha jili
09 bederehe dere, emu gisun be hendufi genere biheo seme hūlame
10 hendufi, tereci ilan mudan elcin takūrame gisurefi, ula i bujantai han,
11 ninggun gucu be gaifi, weihu de ilifi, ula birai dulimba de jifi, 14/15
12 weihu i dele sure kundulen han de niyakūrafi hengkilefi hendume, ula
13 gurun, ama han sini gurun kai, ula i jeku, sini jeku kai, jeku be
14 tuwa sindara be nakara biheo seme hengkileme baiha manggi, sure
15 kundulen han, hilteri uksin etufi amba suru, morin de yalufi, geren
01 cooha ci encu tucifi, juleri ula 15/16 birai muke de morin i tulu deri
02 olome ilifi jilidame hendume, bujantai simbe dain de bahafi wara
03 beyebe ujifi, ula gurun de unggifi ejen obuha, mini ilan jui be buhe,
04 bujantai si nadan jergi gashūha gisun be, abka be den, na be jiramin
05 seme gūwaliyafi, mini harangga hūrha golo be juwe jergi sucufi 16/17
06 gajiha si, ujihe ama mini yabufi jafan buhe yehe i sargan jui be,
07 bujantai si durime gaimbi seme gisurehe si, mini juse be encu
08 gurun de genefi ejen fujin ofi banjikini seme buhe dere, simbe
09 yordokini seme buhe biheo, mini jui ehe weile araci, minde
10 alacina, abka ci wasika aisin gioro halangga niyalma de gala isika
11 kooli be si tucibu, 17/18 tanggū jalan be sarkū dere, juwan
12 tofohon jalan ci ebsi sarkū bio, mini aisin gioro halangga niyalma
13 de gala isika kooli bici, bujantai si uru okini, mini cooha jihengge
14 waka okini, aisin gioro halangga niyalma de gala isika kooli akūci,
15 bujantai si ai jalinde mini jui be yordoho, ere yordoho gebu be
01 buceci, tere gebu be unufi gamambio, weihun bade 18/19 banjire de,
02 tere ehe gebu be tunggen de tebeliyefi tembio, julgei niyalma
03 hendume, niyalmai gebu bijara anggala, giranggi bija seme henduhe
04 bihe, alha futa be saci, horonggo meihe gese gūnimbi, cilcin* muke be
05 saci, mederi mukei gese gūnimbi, ere dain cooha be bi buyeme
06 sebjeleme jihengge waka, mini jui be yordoho seme donjifi, ede
07 korsofi mini beye ilifi jihengge 19/20 ere inu seme henduhe manggi,
08 ula i bujantai han hendume, muse ama jui be ehe acakini seme
09 niyalma belembi dere, sini yabuha sargan jui be gaimbi seme
10 gisurehengge inu akū kai, sini yabuha sargan jui be bi gaimbi seme
11 gisurehe bici, dele abka bi, bi mukei dele ilihabi, fejergi mukei
12 ejen muduri han endembio, ama sini jui be yordohongge inu akū kai
13 20/21 seme gisun be baime arame gisurere de, ula i bujantai han i
14 labtai jargūci hendume, han sini enteke korsoho gisun bici, emu
15 niyalma be takūrame fonjicina seme hendure jakade, sure kundulen
01 han hendume, labtai sini gese niyalma minde akūn, sini yordohongge
02 be tašan sembio, mini jafan buhe sargan jui be durime gaimbi
03 sehengge be tašan sembio, 21/22 tašan oci, yargiyalame fonjimbi
04 dere, yargiyan bade, sinde ai jalinde fonjimbi, ere bira geli juhe
05 jafarakū doro bio, bi geli sinde te emgeri ilinjarakū doro bio, labtai
06 si mini loho be alime gaime mutereo seme henduhe manggi, bujantai
07 hendume, labtai si ume gisurere seme henduhe, ula i bujantai han
08 i deo karkama beile hendume, 22/23 han sini emu dubei gisun be
09 hendufi genecina seme henduhe manggi, sure kundulen han hendume,
10 mini jui be yordohakū, mini jafan buhe yehe i sargan jui be si
11 gaijarakū tondo seci, bujantai sini juse, sini gašan i ambasai juse be
12 damtun benjihe de, si tondo mujangga, juse be damtun benjirakūci,
13 bi sinde akdarakū seme hendufi amasi bedereme jifi, siden i hada de
14 emu deduhe, jai inenggi 23/24 girin de emu deduhe, ula gurun i dolo
15 uhereme sunja deduhe, ningguci inenggi jifi ula birai cikin i olhon
01 tung gebungge bade imahū hada de hoton arafi, minggan cooha be
02 tebufi jihe, ineku tere aniya jorgon biyade, abkai siren ula i ergici,
03 sure kundulen han i tehe booi julergi leosei julergi be 24/25 hūlan
04 hada i juleri sucuha bihe, tereci bujantai be sain ombio seme, emu
05 aniya arame tuwaha, tuwaci, sain ojorakū, nememe yehe i sargan
06 jui be bujantai gaimbi, gaifi sure kundulen han i juwe jui be booci
07 tucibufi, den hashan i boode horimbi, bujantai ini sahaliyan gebungge
08 sargan jui be, cokinai gebungge haha jui be, gašan i juwan nadan
09 25/26 amban i juse be, yehe de damtun benembi seme gisurehe be
10 donjifi, sahahūn ihan aniya aniya biyai juwan jakūn de, ula i damtun
11 benere juse be jurambumbi seci, juwan nadan de, sure kundulen han
12 i susai sunja se de, ilan tumen cooha genefi, ula i sunjata gebungge
13 hoton be kafi afame gaifi, tereci casi genefi godo gebungge hoton be
14 26/27 geli gaiha, tereci casi genefi omo gebungge hoton be gaifi, tere
15 hoton de deduhe, jai inenggi ula i bujantai han, ini ilan tumen cooha
01 be gaifi, fulha gebungge hoton be duleme okdome jihe manggi, sure
02 kundulen han i coohai beise ambasa hendume, ula i cooha hoton ci
03 tucifi okdome jihebi, afaki, yabu seci, sure kundulen han hendume,
04 muwa moo be suhei sacime, huwesi giyame 27/28 ajabufi bilaci
05 bijambi dere, iliha gulhun moo be uthai bukdame bilaci bijambio,
06 emgeri juwenggeri jihede, amba gurun i dain be uthai wacihiyaki
07 seci wajimbio, tulergi gurun be gemu gaiki, tulergi hoton be gemu
08 efuleki, tulergi jeku be gemu manabuki, tulergi gurun be gemu
09 hirhame wacihiyafi, amba hecen i teile funcehe manggi, adarame
10 banjimbi, gurun eitereci wajimbi kai seme henduci, 28/29 sure
11 kundulen han i jui guyeng baturu, amin taiji, han i tukiyehe sunja
12 amban, geren coohai beise gemu hendume, bujantai cooha be hecen
13 ci adarame bahafi tucibure sehe dere, ere tala de tucike cooha be
14 sacirakū afarakū oho manggi, jai booci inu tucirakū, morin inu
15 tarhūburakū, uksin saca, enggemu hadala, beri sirdan, gida jangkū
01 be inu dasarakū, ere inenggi afarakū ofi, 29/30 bujantai yehe i sargan
02 jui be gaime jabduha manggi, jai dailaha seme afaha seme ainambi,
03 tere gicuke be we tuwambi seme henduhe, tere gisun de, sure
04 kundulen han hendume, juwe amba dain acafi afara de, coohai niyalma
05 juleri gaifi afarakū kai, mini beye mini ujihe juse, mini tukiyehe
06 sunja amban, musei beye juleri gaifi afambikai, afaci, muse ere
07 ujulaha beise 30/31 ambasai beye ci sacime dosifi, ula i bujantai han
08 i ilan tumen cooha be gidafi tumen niyalma waha, tereci funcehe
09 cooha hecen de dosime jabdurahū seme, sonjoho mangga cooha be
10 juleri unggifi hecen de dosifi duka be jafafi, sure kundulen han i
11 beye amala genefi, tere hecen i leose i dele tafafi tehe, tere ilan
12 tumen dain be gidafi 31/32 tumen niyalma waha, nadan minggan
13 uksin gaiha, ula gurun de ududu jalan halame han seme banjiha doro
14 be efulefi, amba hecen be baha, gubci gurun be gemu bahafi, juwan
15 dedume amba hecen de ing hadafi olji dendehe, tumen boigon arafi
01 gajiha, tere juwe jergi abkai siren gocikangge, ula gurun be gajire